Life Kya Kehti hai ? - This question was asked to me once by Danish ! A reply was a poem of 4 lines. Here is the full version.

Meri life kehti hai mujhse ki bas jiye jao !!!

koi manzil nahi saamne, koi dagar nahi mann mein
iraade nek hai toh raah khud hi banegi,
mann sachha toh mushkilein khud hi mitengi,
musafir ho tum aur bass yeh safar kiye jao !
Meri life kehti hai mujhse ki bas jiye jao !!!


Meri life kehti hai mujhse ki iss safar mein bahut log milenge,
kuch sachhe, kuch jhootee aur kuch achhe bhi,
sadhu bhi milenge aur sanyasi bhi,
daku bhi milenge aur apsaraien bhi,
ram bhi milenge aur ravan bhi,
kai asli bhi milenge aur kai behrupiye bhi!
in sabse milkar kabhi khush hogey, kabhi sochogey aur kabhi char aansoon rowgey bhi!
kaise bhi hon par sabse kuch na kuch seekhogey hi !
zindgi ke iss safar mein sabhi logon se miley jao,
Meri life kehti hai mujhse ki bas jiye jao !!!


Meri life kehti hai mujhse ki tumne apni zindgi mein kai kaam kiye,
Paap kiye aur punya bhi,
kuch kaam acchey kiye aur kuch burey bhi,
tum kabhi raja baney, kabhi saadhu baney aur kabhi daaku bhi,
tum prasiddh hue aur badnaam bhi hue,
kabhu khush hue, kabhi dukhi, kabhi naraaz bhi aur kabhi apni nazron mein girey,
khushi ke palon ko ek sweater ki tarah yaadon mein bunn liya,
Jab naraaz hue to kuch nahi hua par khud ka thoda sa khoon jal gaya,
Dukhi pal to surya-grahan ki tarah aatey hain chhip jaatey hain,
Lekin jab girey toh phir utthey apni galtiyaan maan kar,
khud ko maaf kiya aur chal diye nayi dagar ko mann mein thaan kar.

Meri life kehti hai ki yeh jaan lo ki Koi rahe naa rahe, tum rahoge sada khud ke sang,
isliye khud ko samjho, khud ko sudharo aur khud ko bas khush kiye jao,
meri life kehti hai mujhse ki bas jiye jao.


Isliye main bhi kehta hoon tumse ki iss life ko bass jiye jao.......